¿QUE É O CONSELLO GALEGO DE COOPERATIVAS?

   O Consello Galego de Cooperativas é o máximo órgano de promoción e difusión do cooperativismo na Comunidade Autónoma de Galicia, constituíndose, ademais, como órgano consultivo e asesor das administracións públicas galegas naqueles temas que afecten ao cooperativismo.

É un órgano colexiado no que participan as diferentes administracións, instituicións e organizacións cooperativistas, interesadas no fomento global do cooperativismo. Converteuse nun nexo de unión entre as proprias cooperativas e os organismos públicos, logrando, desta maneira, unha comunicación permanente e fluída entre ambas partes.    A sua institucionalización como órgano consultivo e de participación significou a creación dunha plataforma de confluencia estable dos axentes cooperativos, públicos e privados, que sostén as estruturas de participación dun Plano Estratégico que garanta como primeira característica do proceso de planificación, a súa capacidade para implicar activamente ós axentes que interveñen no movemento.

   Para o cumprimento dos seus obxectivos gozará de plena capacidade de obrar, axustando a súa actuación ás previsións contidas na Lei 5/1998, do 18 de decembro, de cooperativas de Galicia e nas normas de desenvolvemento de ela. Ademais da súa normativa específica, ao consello resultaranlle de aplicación as normas previstas nos artigos correspondentes ó título II, capítulo II da Lei de réxime xurídico das administracións públicas e do procedemento administrativo común, relativas ós órganos colexiados.


   O Consello Galego de Cooperativas adscríbese á Consellería de Traballo, que lle asignará o persoal funcionario e os recursos económicos suficientes para o seu funcionamento.

¿CALES SON AS SÚAS FUNCIÓNS?

1. Son funcións propias do Consello Galego de Cooperativas: Facilitar e colaborar na investigación, planificación e execución dos programas de desenvolvemento e fomento do cooperativismo, prestando un especial interese polos programas da Unión Europea, así como promover a educación e formación cooperativa. Elaborar propostas, dictames e informes en relación coas cuestións que afecten ó cooperativismo. Realizar estudios e impulsar as accións encamiñadas a facilitar a intercooperación.

4. Emitir informe, con carácter preceptivo, sobre os proxectos de disposicións legais e regulamentarias e demais normas que afecten directamente ás cooperativas ou as súas organizacións, así como procurar a súa difusión.

5. Contribuír ó perfeccionamento do réxime legal e institucional do ordenamento socioeconómico da Comunidade Autónoma de Galicia.

6. Conciliar e exercer a arbitraxe nas cuestión litixiosas que se susciten entre cooperativas, entre estas e os seus socios, ou no seo delas entre os seus socios, cando ámbalas partes o soliciten ou ben estean obrigadas a iso en razón ó establecido nos seus estatutos.

7. Promover a educación e formación cooperativa nos distintos niveis do sistema educativo xeral.

8. Exercer tódalas accións que resulten necesarias para percibir os fondos irrepartibles, así como o remanente do haber líquido social das cooperativas.

9. Percibir, planificar e xestionar mediante un programa específico os fondos de formación e promoción nos supostos previstos na Lei 5/1998, do 18 de decembro, de cooperativas de Galicia.

10. As demais funcións que lle atribúa a Lei de cooperativas de Galicia e as súas normas de desenvolvemento.
    
    

2. Para o cumprimento dos seus fins, o Consello Galego de Cooperativas poderá participar nos organismos e nas institucións que contribúan ó desenvolvemento socioeconómico de Galicia, así como naqueloutros que poidan corresponderlle.




¿CAL É A SÚA COMPOSICIÓN?

•   PRESIDENTE: Conselleira de Traballo e Benestar
     - Dna. Beatriz Mato Otero.
  
•   Director Xeral de Relacións Laborais
     - D. Odilo Martiñá Rodríguez
  
•   7 representantes de Cooperativas
  
•   3 representantes de AGACA
     - D. José Luís López Vázquez, Vicepresidente
     - D. Manuel Carlos Gómez Díez
     - D. Higinio Mougán Bouzón
  
•   1 representante de UCAFE
     - D. Manuel Domínguez Rodríguez
  
•   1 representante de UCETAG
     - Dna. Olga Mª Rosa Amoedo Cabrera
  
•   1 representante de UGACOTA
     - Dna. María del Mar Pernas Márquez
  
•   1 representante de SINERXIA
     - Dna. Ana Rosa Lorenzo Vila
  
•   1 representante das Universidades Galegas
     - D. José Manuel García Vázquez
  
•   1 representate de Cooperativas de Crédito
     - D. Manuel Varela López, representante de Caixa Rural Galega
  
•   1 representante da Consellería do Mar
     - Dna. Susana Rodríguez Carballo
•  1 representante da Consellería do Medio Rural
     - D. José Álvarez Robledo
  
•   1 representante da Consellería de Traballo e Benestar
     - D. Andrés Hermida Trastoy
  
•   1 representante da Consellería de Educación e Ordenación Universitaria
     - D. José Manuel Pinal Rodríguez
  
•   1 representante da Federación Galega de Municipios E Provincias (FEGAMP)
     - D. Félix Porto Serantes
  
•   Secretario:
      - Manuel Ángel Pérez Losada, xefe do servizo de Cooperativas e Economía Social