Curso de 60 horas lectivas repartidas en oito xornadas teórico – prácticas que culminan cun recoñecemento de asistencia e aproveitamento. (Para obter o certificado é necesario ter asistido o 80% das horas totais).

O programa formativo complétase con actuacións dirixidas ao coñecemento directo das boas prácticas e o intercambio de experiencias en distintos sectores produtivos, no ámbito galego, estatal e europeo, que poidan aportar elementos de dinamización ás accións de desenvolvemento local cooperativo.

Ofrecer formación os colectivos destinatarios da actividade no ámbito de Cooperativismo como fórmula para o deseño e/ou posta en marcha de proxectos de fomento de autoemprego, de promoción económica e desenvolvemento local.

O curso vai dirixido a persoas pertencentes a diversos colectivos, tales como Axentes de Desenvolvemento Local, Axentes de Extensión pesqueira, de Extensión Agraria, Técnicos de Emprego, Técnicos dos Grupos de Acción Local, Técnicos das Cooperativas, Orientadores laborais e educativos Técnicos das Consellerías de Medio Rural, Pesca e Asuntos Marítimos, Traballo, Medio Ambiente e Desenvolvemento Sostible, así como Técnicos das Asociacións de Cooperativas.

Descarga o programa en formato Word na sección de descargas do curso.

Horario previsto:
Mañás: de 10:00 a 14:00
Tarde: de 15:00 a 18:30

Lugar: Centro de Formación Ocupacional
(San Paio do Monte, s/n, Santiago de Compostela)